Báiki/Politihkáláš doaibma/Sátnejođiheaddji

Sátnejođiheaddji sávvá lihkku girjáčállái Øyvind Ravnai

Sátnejođiheaddji Inger Katrine Juuso sávvá lihkku girjáčállái Øyvind Ravna girjealmmuhemiin Várjjat boazodoalu birra.

08-11-2007

Unárgga sátnejođiheaddjis lihkkosávaldagat Raimo Vallei

Unjárgga sátnejođiheaddji Inger Katrine Juuso sávvá Raimo Vallei lihkku stáhtačállinammademiin. Valle lea Unjárgga vuosttaš stáhtačálli.

30-10-2007

VEARRODAHKOPOLITIHKKA GUOVLLOGIELDDAIN

Unjárgga gielddas lea dákkár dilálašvuohta ahte leansmánni áigu fárret (lea fárren?) gielddas eret siidaguoimmgildii buoridandihte bálvalusfálaldagaid Unjárgga olbmuide, ja nu go daddjo buoridandihte "fágalaš birrasa". Siidaguoimmgielddas leat dal guokte leansmánne ja dáppe ii oktage.

03-09-2007

Lihkusávaldat UKM:in!

Sávan lihkku Kenneth Varsii ja "Black Sheeps" jovkui, Agnethe, Victoria, Emelie ja Alexanderii. Sii ánssášit hui ollu rámi ja lihkusávaldagaid go besse viidáset UKM:a riikafinalii.
Gal dii jo leiddet čeahpit go lihkostuvai ná bures Honnesvágis, ja sávain didjiide lihkku ain viidásat Troandimis!

Sátnejođiheaddji

16-04-2007

Sátnejođiheaddji Sámi álbmotbeaivve sárdni 2006.s

"Sávaldat lea ahte mii buohkat barggašeimmet dan nammii, seailluhit ja ovdánahttit sámegiela ja kultuvrra vai Unjárgga gielda nannosmáhttošuvvašii ja vai gieldda nuorat dustešedje boahteáiggi nana sámi identitehtain ja iešdovdduin".

Ná loahpahii sátnejođiheaddji Ann Jorid Henriksen sártnis Sámi Álbmobeaivvedoaluin Unjárggas.

07-02-2006

Leat go jienastuslogus?

Jos galggat sáhttit jienastit Stuorradikki- ja Sámedikkiválggain ferte du namma leat jienastuslogus. Iskka jienastuslogulisttuin mat dál leat almmuhuvvon!

07-07-2005

Finnmárkkuopmodat Unjárgii

Sátnejođiheaddji Ann Jorid Henriksen lohká lunddolažžan ásahit Finnmárkkuopmodaga, Finnmarkseiendommen, Unjárgii.
Su dorjot maiddái muhtin sátnejođiheaddjit, muhtin fylkka- ja sámedikkepolitihkárat. Nu leage stuorát vejolašvuohta oažžut ođđa stáhtaásaheami gildii.

31-05-2005

Sátnejođiheaddji Ann Jorid Henriksen

Politihkkálaš gullavašvuohta: Bargiidbellodat

Politihkálaš duogáš: Ovdal go sátnejođiheaddjin válljejuvvui, čohkkái ovtta áigodaga ovdagottis ja gielddastivrras Unjárgga gielddas.

Politihkálaš doaimmat muđui: Čohkká dálá Fylkkadikkis, ja politihkkálaččat gullá Finmárkku Bargiidbeallodahkii.

Kulturbargi: Lean ovdal leamašan stivrrajođiheaddjin ja/dahje …quot;miellahttun dáid kulturorganisašuvnnain: Sámi Musihkkáriid Searvvis, Sámi Teahter Searvvis, Sámi dáiddaráđis, Sámi kulturráđis ja Sámi giellaráđis.

Artista: Unjárgga sátnejođiheaddji lea dovdddus lávlun, juoigi ja neavttár, sihke teáhteris ja filmmain.

31-05-2005

Rabas uksa gieldda ássiide

Sátnejođiheaddjin lean mun šaldin gieldda ássiid ja ráđđealbmá/hálddahusa gaskkas. Ráđđealmmái lea buot gieldda bargiid hoavda. Mu váibmoášši lea gieldda ássiiguin doallat oktavuođa. Gaskkohagaid leat ollu čoahkkimat gos mun lean mielde ja dalle ii leat mu álki fidnet ságaide. Muhto go in leat čoahkkimiin, de lean dábálaččat iežan kontuvrras ráđđevisttis. Mu kontuvrra gávnnat Bálvalusossodagas, aitto váldouvssa siskkobealde. Kontoruksa lea áli rabas, ja ii leat eará go lávket siskkobeallái!

Váldde muinna oktavuođa jos leaš ášši man birra hálidat hállat. Buvtte áinnas maid árvalusaid dahje muital jos ležžet váidalusat dahje váttisvuođat! Jos it gávnna mu kontuvrras, váldde oktavuođa e-poastta čujuhusa bokte; annjorid.henriksen@nesseby.kommune.no

dahje riŋges tlf. 789 59501.

Bures boahtin!

05-04-2005

Oktavuohta gieldda ealáhusaiguin!

Ealáhusovdáneami ovddidanbargguin gielddas orru sátnejođiheaddji mielas dehálaš doallat oktavuođa ealáhusaiguin mat juo gávdnojit min gielddas.
Mihttomearrin munnje lea buot ealáhusdoalliid galledit dán jagis. Mun ja min ealáhusovddasteaddji ja ráđđealmmái boahtit bovdekeahttá galledit muhtun beaivvi boradanáiggis. Mii sáddet ealáhusdoalliide breava galledeami birra dán vahkkus!

05-04-2005

Boahtte siidu